Budget 18 Crores and Profit 114 Crores
విద్యాబాలన్ నటించిన ‘ది డర్టీ పిక్చర్’ 114 కోట్లు వసూలు చేసి బాలీవుడ్ బాక్సాఫీస్‌ని షాక్ అయ్యేలా చేసింది. మరో షాకింగ్ విషయం ఏంటంటే... ఈ సినిమా బడ్జెట్ కేవలం 18 కోట్లు. ఈ సినిమాతో అప్పటిదాకా ఓ మోస్తరు ఇమేజ్ ఉన్న విద్యాబాలన్ సూపర్‌స్టార్ అయ్యిపోయింది. ప్రస్తుతం ఆమె ‘డర్డీపిక్చర్’ తెచ్చిన ఆనందాన్ని ఓ రేంజ్‌లో ఎంజాయ్ చేస్తోంది. అయితే ప్రస్తుతం బాలీవుడ్‌లో విద్యపై ఓ గాసిప్ మొదలైంది.
యూటీవీ అధినేతల్లో ఒకరైన సిద్దార్థ్‌రాయ్‌తో విద్య ప్రేమలో పడ్డారని, 14 కోట్లు విలువ చేసే ఓ అందమైన బిల్డింగ్ ని విద్యకు నూతన సంవత్సరకానుకగా సిద్దార్థ్ అందించారని, ముంబయ్‌లోని ‘జుహూ తారా’ అనే ఖరీదైన ఏరియాలో ఉన్న ఈ భవంతిలోకి త్వరలోనే విద్య గృహప్రవేశం చేయనున్నారని ఈ గాసిప్ లో వినపడుతున్న మాట. అయితే మీడియా వారు ఆమె వద్ద ఈ గాసిప్ పై ప్రస్తావిస్తే...ఇలాంటి గాసిప్స్ గురించి ఆలోచించాల్సిన పనిలేదు.
ఇవాళే కాదు, ఏడాది తర్వాత అయినా సరే... ఆ ఏరియాలో నాకు భవంతి ఉందని మీరు రుజువుచేస్తే... దాన్ని మీకు రాసిస్తా. అనవసరంగా ఇలాంటి వాటి గురించి ఆలోచించి టైమ్ వేస్ట్ చేసుకోవద్దు అంటూ సీరియస్ అయ్యింది. ఇక డర్టీ పిక్చర్ చిత్రం తెలుగులోనూ మంచి వసూళ్లను రాబట్టింది.
